+994 (12) 310 5500
+994 (99) 310 5500 +994 (99) 310 5500 (WhatsApp) +994 (55) 900 8274 (Servis) +994 (55) 900 8272 (Anbar)

Zəmanət


Servislə əlaqə

Telefon: +994 12 511 97 80, +994 50 550 59 40
 E-mail: service@camera.az


Avadanlıqlara verilən zəmanət

Şirkətimizdən əldə edilən bütün təhlükəsizlik sistemləri, şəbəkə avadanlıqları, IP kameralar, WiFi kameralar, HD kameralar və WEB kameralar istehsalçıdan asılı olaraq 1 ildən 5 ilə qədər rəsmi zəmanət müddəti ilə təmin olunur. Satış qaiməsi zəmanətin qüvvədə olduğunu təsdiq edən əsas sənəddir. Zəmanət yalnız istismar təlimatına uyğun şəkildə istifadə edilən avadanlıqlara şamil olunur və cihazların üzərində müstəqil təmir (müdaxilə) izləri olmamalıdır. Avadanlığı zəmanət əsasında servisə təhvil vermək üçün müştəri onu rəsmi xidmət mərkəzimizə gətirə bilər.
Bakıda servis mərkəzinin ünvanı: Bakı şəhəri, Əhməd Rəcəbli küçəsi 69 X.


Quraşdırılma və montaj işlərinə verilən zəmanət

Quraşdırılmış sistemə və montaj olunmuş avadanlıqlara 12 ay zəmanət təqdim olunur. Əgər zəmanət müddəti ərzində quraşdırılmış sistemdə hər hansı bir nasazlıq və ya defekt aşkar olunarsa, İcraçı aşağıdakı şərtlər daxilində onun ödənişsiz aradan qaldırılmasını təmin edir:
  • Avadanlıq (o cümlədən, sistem tərkibindəki IP qeydiyyat cihazları / NVR, HD qeydiyyat cihazları / XVR, domofonlar, mühafizə və yanğın siqnalizasiya sistemləri, IP telefoniya, kommersiya displeyləri, simsiz təhlükəsizlik sistemləri və giriş-çıxışa nəzarət və idarəetmə sistemləri) yalnız istismar təlimatına uyğun istifadə edildikdə;
  • Nasazlıq yanğın, qəza, elektrik şəbəkəsində gərginlik fərqi və parazitləri, yanlış istismar, diqqətsiz rəftar, düzgün olmayan tənzimləmə və ya icazəsiz müstəqil təmir səbəbindən baş vermədikdə.
Zəmanət öhdəlikləri batareyalar, qidalanma elementləri və məhdud istismar müddətinə malik digər məhsullara şamil edilmir. Həmçinin, avadanlıqların (xüsusilə rəsmi Hikvision və Dahua cihazlarının) texniki parametrləri istehsalçı tərəfindən bəyan edilmiş normalara uyğundursa, bunlarla bağlı iddialar qəbul olunmur.
Mütəxəssisin obyektə çağırılması və nasazlığın diaqnostikası yalnız o halda ödənişlidir ki, yerində baxış zamanı qüsurun yuxarıda sadalanan istismar qaydalarının pozulması səbəbindən baş verdiyi aşkarlansın.


Keyfiyyətli məhsulların dəyişdirilməsi və geri qaytarılması

Satıcı alıcının keyfiyyətli məhsulu əldə etdiyi andan etibarən 7 gün ərzində geri qaytarmaq və ya dəyişdirmək hüququna zəmanət verir, əgər:
  • Məhsul istismar olunmayıbsa və ilkin əmtəə (satış) görünüşünü tam qoruyubsa;
  • Malın zavod qablaşdırması, bütün yarlıqları və etiketləri yerindədirsə;
  • Məhsulun alışını təsdiq edən kassa çeki və ya müvafiq sənədlər təqdim edilirsə;
  • Alınan mal qanunvericiliklə geri qaytarılması qadağan olunan malların siyahısına daxil deyildirsə.
Alıcı eyni dəyərdə olan digər bir məhsulla malı dəyişdirə bilər və ya qiymət fərqini ödəməklə (yaxud fərq alıcıya geri qaytarılmaqla) başqa bir modelə üstünlük verə bilər.